بسم الله الرحمن الرحيم
السلام عليكم و رحمة الله و بركاته
اسعد الله صباحكم / و مسائكم
نزلت لكم روايه انا كاتبته من نفسي
اغلب احداثها من الواقع و اغلبها من خيالي
و طبعن نهايتها راح تكون خيال في خيال
اسمها (وش لون انساك و انت حلم الطفوله )
طبعن هاذي اول روايه اكتبها
فا اكيد راح يكون فيها اخطاء وزي كذا
فا ياليت ملاحظاتكم ترسلوها على الخاص
التعريف بالشخصيات
عائلة (ابو مشاري)
ابو مشاري : خالد الاب وظيفته ظابط و مركزه مهم يحب بناته و مدلعهم اخر دلع و مايرظى احد يتكلم عليهم او يزعلهم احيانا يعصب من تصرفاتهم متزوج بنت عمه عنده 5 بنات و ولد وملاامحه مقبولة الشكل .
ام مشاري : نهى ربة منزل حصلت على الشهادة الجامعية و ماكملت ومثل ماقلت تصير بنت عم خالد طيبه و حنونه واللي في راسها تسويه جميله جدااا .
مها : البنت الكبيره دلوعه و حبوبه و عنيده و عصبيه حيييل عمره 20 سنه اول جامعه تخصص علم نفس طويله جسمها حلو بشرتها بيضاء شعرها طويل لي خصرها كثير وناعم واسود عيونها عسليه ملاامحها حلوه تشبه لي امها تقريبن .
تهاني : البنت الثانيه مغروره عنيده تسوي اللي براسها و متهوره عمرها 18سنه ثالث ثانوي الطول متوسط جسمها نحيف حنطيه شعرها لي خصرها صابغته بني غزالي كثير وناعم عيونها عسليه ملاامحها صغيرها تشبه للمثله كرستينا الامريكيه تقريبن .
لولو : البنت الثالثه ذكيه و ملقوفه و لسانها طويل بس مع ذلك الكل يحبه عمرها 16 سنه ثالث متوسط متوسطة الطول دبدوبه حنطيه ملاامحها صغيره تجنن شعرها قصير وناعم اسود مررره عيونها سوده متشبه لي احد .
مشاري : الولد الوحيد بين اخواته الخمس كان راسب سنتين بي اول ابتدائي طيب و على نياته يحب الهبال و الخبال عمره 12 سنه رابع ابتدائي ابيض طويل نحيف عيونه عسليه تهبل شعره بني فاتح و ناعم يجنن كنه سوري يشابه اخته مها كثير .
سحر : البنت الرابعه شيطانيه تحب الهبال و الخبال لسانها طويل بس تهبل فيها خفة دم عمره 9 سنوات ثالث ابتدائي حنطيه شعرها اسود مرره طولها متوسط دبدوبه عيونها بنيه ملاامحها مقبوله تشبه ابوها تقريبن .
مزون : دلوعه و حلوه شعرها بني فاتح نحيفه عيونها عسليه تهبل اصغر وحده واخر العنقود عمرها 5 سنوات
تشبه اختها تهاني تقريبن و فيها من مشاري .
عائلة ابو (تركي)
ابو تركي : فهد الاب حاصل على شهادة الدكتوره دكتور اطفال بي مستشفى العائله يصير خال مها جميل جداااا تحبه مها من بد كل خوالها و تعتبره مثلها الاعلى متزوج و عنده 3 عيال وبنت .
حنان : مديرة مدرسة ابتدائيه زوجة فهد حنونه و طيبه حيل مملوحه .
تركي : الولد الكبير عمر 25 سنه حصل على شهادة دبلوم في التجارة ويشتغل في شركت العايله طيوب و حبوب يغلب على ملامحه الحزن جميل جدااا طويل شعره كثير و اسود و متوسط البياض عيونه بنيه جسمه رياضي .
نواف : الولد الثاني عمره 21 سنه يدرس بي جامعة الملك فهد الامنية طيب و خدوم و مغرور احيانا مملوح ابيض و طويل جدا عيونه بنيه شعره اسود و عايدي جسمه عايدي مجروح .
العنود : البنت الوحيده من بين اخوانها 3 هاديه جدااا بريئه عفويه عمرها 11 سنه مملوحه متوسطة البياض نحيفه شعرها قصير وناعم تحبها مها و تعتبرها اختها السادسه .
مهند : اخر العنقود و اصغرهم عمره 3 سنوات ملاامحه جنااان مررررررره كيوت يشبه اخوه نواف .
عائلة ( ابو طلال )
ابو طلال :عبد العزيز الاب مدير بشركت اخوانه عنده 3 عيال و بنت يحب عياله طيب و عفوي .
ام طلال : الجوهره جامعيه و ربة بيت طيبه مهتمه بي عياله و زوجها و بنتها تشبه كثير لي اختها نهى ام مها و تحبها مها و تقدره حيل و تعتبرها امها الثانيه .
طلال : الولد الكبير عمره 26 سنه مسافر يكمل دراسته في كندا مملوح .
مراح اتكلم عنه كثير راح تعرفونه من الروايه اكثر
محمد : الولد الثاني عمره 20 سنة اول جامعه قسم ادب انجليزي مغرور شايف نفسه متكبر و متفتح ميهمه احد حنطي طويل عيونه بنيه جسمه رياضي يحب بنت خالته شيخه موووت .
مراح اذكرها راح تتعرفون عليها فيما بعد
جمانه : البنت الوحيده ما بين اخوانها دلوعه مغروره كتومه عمرها 16سنه ثالث متوسط مملوحه متوسطة الطول حنطيه شعرها قصير و عايدي عيونها سوده مملوحه اقرب بنات لها بنات خالتها لولو و فيء .
معاذ : حبوب و مرح هادي عمره 11سنه رابع ابتدائي مملوح عادي طوله نحيف شعره اسود و عيونه بنيه يشبه اخوه محمد .
طبعن فيه شخصيات ما ذكرتها راح اذكرها فيما بعد
( الـــــبـــــارا ت الاول )
أبد مآكآن [ الصمت ] يعنيْ النسيّآن !
شوف الآرض صَآمته لكن فيْ جوفهآ بركآآن
في صباح يوم الثلاثاء الساعة 5 ونص و تحديدن في الرياض داخل فلة ابو مشاري عند غرفت مها و تهاني انفتح باب الغرفه قومي يا تهاني بسرعه لا تتاخرين على مدرستك وانت يا مها قومي لا تتاخرين على الجامعه
مها : يمه تكفين فني النوم مالي مزاج ادوم .
تهاني : يمه عشر دقايق تكفين بكمل الحلم و بعدين ابي
غاب مابي اداوم .
ام مشاري : يا الله قوم الله يهديكم قومو صلو و خلو عنكم
الدلع .
مها : يمه بصلي بس مراح اروح الجامعه الحين بدري .
ام مشاري : اقول مافيه غياب تهاني امس غيابه ترا هاذا
ياثر على مستواك و تحصيلك الدراسي لزم تروحين اليوم
خلاص وانسي شيء اسمه غياب وانتي مهاوي قومي لزم
تلحقين تتجهزين عشان الجامعه .
ام مشاري : تهاني قومي يا الله وشفيك اليوم انتي و اختك .
تهاني : يمه تكفين الحلم مرررره حلو خليني اكمله .
ام مشاري : بتقومون ولا انادي ابوكم يتصرف معكم .
مها و تهاني بصوت واحد و معصبين : خلاص الحين
بنقوم .
قمت مها و توضت و فرشاة اسنانها و صلت و بدلت
ملابسها و لبست بلوزه بيضاء فوقها جكيت رسمي لونه
اسود و تنوره سودا على شكل حرف A و رفعت
شعرها و لبست اكسسوراتها وتنسيق الجزمه مع
الاكسوار و الشنطه و اللبس و مكي اب خفيف صارت
رسميه و تجنن لفت مها على تهاني لقتها الى الحين نايمه
مها : تهاني قوووووووووووومي ترا ابعلم امي .
تهاني من الخرعه : نعم وجع وش تبين .
مها : يوجعك المدرسه لا تتأخرين عليها الساعه 6 و ربع
قومي .
تهاني : اقول ذلفي عن وجهي لا بالمخده .
مها رفعت حاجبه و نذرات غضب : نعم وش قلتي اخت
تهاني .
تهاني خافت شوي تعرف مها اذا عصبت يا ويلها و يا
سواد ليلها : ابد اقول روحي حبيبتي ابنزل الحين .
مها : ايه حسبالي بسرعه ترا ما ابي اتاخر على الجامعه .
تهاني و علامات تعجب فوق راسها : توك تقولين لي امي
بدري على الجامعه والحين حريصه على عدم التاخر
عجيب امرك انتي .
مها بدلع : مالك دخل يا الله يا روحي قومي بسرعه من
فراشك و صحصحي عشان ما تتأخرين و يعاقبونك .
تهاني فار دمها : ياشين المياعه و الدلع مو ليق عليك
و بعدين وش دخلك فني انوم اقوم اتاخر انا حره .
رقت الخدامه لي الدور الثاني وسمعت هواش مها و
تهاني كالمعتاد و توجهت لي غرفة مها و تهاني لقت الباب
مفتوح دخلت و قالت با الانجليزي
الخدامه : Maha congratulations Madame says
down quickly Ashan School.
الترجمة : مها تهاني مدام يقول انزل بسرعه عشان
مدراسه .
مها : Ok City tell me my mother, then I
.congratulations Jain
الترجمة : طيب ستي قولي لي امي الحين انا و تهاني
جاين .
مها : تهاني انا ابنزل و انتي الحقيني اوكي .
تهاني النوم في عيوانها : طيب اخت مها اومر ثانيه .
مها و هي تسكر باب الغرفه : ههههههه لا بس بسرعه .
توجهت مها لي المصعد الكهربائي دخلت و ضغطت على
زر الدور الاول .
توقف المصعد و انفتح توجهت لي صالة الطعام الراقيه
ام مشاري : اخيران نزلتي وين اختك .
مها : شوي وتنزل .
ابو مشاري : هلا و الله بي بنيتي دلوعة ابوها مهاوي .
مها و خدودها حمرت : هلابك بابا .
ام مشاري : ايه دلع فيها مو مخربها غير دلعك الزايد لها
ولي اخوتها .
ابو مشاري : هههه بدينى بالغيره انا من لي غير مهاوي
و اخونها و امها غمز غمزه لي ام مشاري .
مها : الله الله البال مروق اليوم بابا .
ابو مشاري : انا اصلن دايم مروق .
مها : يمه صح وين اخواني الباقين .
ام مشاري : لولو تعبانه هي و مشاري بيغابون و سحر
نايمه .
مها بقلق : ليش وش فيهم .
ام مشاري : انفلونز خفيفه و بتعدي .
مها : اهاا سلامتهم ما يشوفون شر .
شوي وتنزل تهاني
تهاني و شكلها الحوسه سيييييييييييييتي :Pocket me
.speeds Hntta over and sandwich quickly
الترجمة :جبيلي شنطتي و سندويش بسرعه .
سيتي : OK.
ام مشاري : وشفيك شكلك معفوس فوق تحت .
تهاني : وش اسوي بي بنتك تقول بسرعه .
مها : ايه بسرعه خلصي و اقولك افطري بالسيارة .
ام مشاري وش هالسرعه توك تقولين بدري على الجامعه
وش غير الوضع .
تهاني : ههههههههههههههه .
ام مشاري : وش فيك تضحكين .
مها بزعل : ماما وشفيك علي انتي و تهاني اليوم
عايدي وش فيها الحين حابه اروح بدري فيها شيء .
ام مشاري تحاول تعصب مها : وش ما فيها قولي .
طلعت بسرعه و البست عبايتها و اخذت شنطتها و امها
تنديها :مها مها .
بس من زعلها و عنداها ما ردت
تهاني : خليني اقوم قبل ما تروح و تخلني بنتكم مع
السلامه ماما مع السلامه بابا .
ام مشاري و ابو مشاري : مع السلامه بحفظ الله .
راحت تركض تهاني لسيارة ركبت و اهي يا الله انها
تتنفس الله لا يلومها
تهاني : عمى طلعتي و خلتني .
مها : مطنشه تهاني .
مها : راجو بسرعه تحرك .
راجو : حاضر مدام .
تهاني : طنشت مها كذلك وما كلمتها وصارت تاكل في السندوش .
تهاني : راجو وقف عند بوابت المدرسه .
راجو : حاضر مدام .
وقف راجو قبال الباب حق مدرسة تهاني
تهاني : مع السلامه مهوي .
مها كانت تفكر و ما ردت على تهاني
تهاني كانت تفكر انو مها زعلانه الين الحين : بكيفك لا
تردين يا الدلوعه .
نزلت تهاني و سكرت باب السيارة بقوه
____________________________
نروح لبيت خال مها تحديدن في الدمام الساعه 7 الا 10
هدواء و سكون في الفله شوي و يرن التلفون
ترررن تررررن تررررن
ام تركي جت بسرعه تركض رفعت السماعه : الو .
نواف : هلا و الله بي امي الغاليه اشتقتلك اخبارك و
اخبار ابوي و اخواني توقعت محد يرد علي .
ام تركي : هلابك امي وانا اكثر بخير يمه نسال عنك و
الله الدمام بدونك مو زينه ابد ليه .
نواف : هانت كلها سنه واجيكم لان توقعت تكونين
بالدوام الا ليه ما رحتي يمه فيكي شيء .
ام تركي : لا يمه ما فني الا العافيه بس ماخذه اجازه لمدة
اسبوع .
نواف : الحمد الله يا الله ما اطول عليك يا الغاليه سلملي
على الكل .
ام تركي : يوصل ان شاء الله حطى بالك على نفسك .
نواف : ان شاء الله يمه مع السلامه .
ام تركي : مع السلامه .
سكرت ام تركي من نواف ولدها و جلست تبكي من شوقها
لانها ما تعودت على غيابه صاره له سنتين في الرياض
يدرس لن حلمه يكون ظابط على قولته ( العسكريه تطلع
رجال )
نواف لما سكر من امه كان في طريقه لي الجامعه اخذ
شريط اغاني و شغله كلمات الاغنيه
لا ياوقت وين اللي على بالي يجي ويــــروح .. هذاك اللي ملك قلبي وتفكيري ووجدانــــي
أموت بطيفه اللي لا لمحته تنتشي بـي روح .. أحس اني إذا شفته كأني بعالم ثانــــــــــي
أحبه والامل باني في قلبي من غلاه صـروح .. حبيبي لو يمر طيفه يبدد ماضي احزانـــــــي
أحبه حب لو يدري عن اللي بخافقي من بوح .. نسى كل الزعل وارخص حياته دون حرماني
تحملت الخطى منه وإذا أخطى بعد مسموح .. حبيبي معليه ازعل إذا أخطى وخطانـــــــي
تذكرته ونا ناسي ونسيته والوفا مجـــــــــروح .. غريبه حالتي والله واهو ذكراه نسيانــــــنـي
ذكرته الاغنيه بي حبيبت قلبه و صار يغني مع الشريط
________________________________
تحديدن في الدمام محمد كان جالس عند الكورنيش
و كان مبسوط لانه توه مسكر من هنادي بنت خالته شيخه
باقي على محاضراته ساعه الى ربع ركب السيارة متوجه
لي الجامعه جامعة الملك فيصل و كان يفكر بي هنادي
وشغل اغنية أحبك موت كلماتها
أحبك موت .. كلمة مالها تفسير
وألين اليوم مدري كيف أفسرها
لأني من عرفتك وأنا أحسك غير
مثل روحٍـ(ن) لقت روحٍـ(ن) تدورها
كأني روضتك وأنت سحابة خير
وصوتك لا هما روحي أبشرها
معك صار الغلا أجمل بلا تقرير
لان الناس للناس الله سخرها
كبير أنت في قلبي وفعيوني كبير
تغار العين من قلبي وأصبرها
وهو باسمك أساساً مع غلا وتقدير
ونفسي في حلالك كيف أخيرها ؟؟
لكلٍ وصف وعندك يعجز التعبير
تعبت أتخيل أوصافك وأصورها
في قلبٍـ(ن) من طبع مينك يافال الخير
وأنا الفرحه مع أنفاسي أكررها
كلامك عذب ولحروفك عليّ تأثير
مثل ياعونك اللي من تعبرها
أحس من شوقي ودي آخذك وأطير
وألف الدنيا بإحساسك وأعطرها
نعم لعيونك اللي مايصير يصير
أجيب النجمه لو بالك تصورها
وحتى النجمه لو جاتك بها تقصير
أسافر للسما لأجلك وأغيرها
وقد يغني و اهو مبسوط حيييييل و ينتظر اللحظه اللي
يرجع فيها من الجامعه عشان يكلم هنادي
انتهى البارات الاول
يا ترا وش كان مشغل تفكير مها ؟؟؟
و منهي حبيبت نواف ؟؟؟؟
و هل راح تدوم محبت محمد لي هنادي ؟؟؟
بنتظار ردودكم و تعليقاتكم
ولا تنسو التقييم
الرئيسية 
